جەیمس کلارک ماکسوێڵ، (لەدایکبووی ١٣ی حوزەیرانی ١٨٣١، ئەدینبۆرگ، سکۆتلەندا.- لە ٥ی تشرینی دووەمی ١٨٧٩، کامبریج، ) کۆچی دوایی کردووە، فیزیازانێکی سکۆتلەندی. یەکەم توێژینەوەی زانستی لە تەمەنی ١٤ ساڵیدا بڵاوکردەوە و لە تەمەنی ١٦ ساڵیدا چووەتە زانکۆی ئەدینبۆرگ و دەرچووی زانکۆی کامبریج بووە. لە زانکۆی ئابەردین و کۆلێژی کینگ لەندەن و کامبریج (لە ساڵی ١٨٧١ەوە) وانەبێژ بووە، لەوێ سەرپەرشتی بینای تاقیگەی کاڤێندیشی کردووە. شۆڕشگێڕترین دەستکەوتی ئەو نیشاندانی بوو کە ڕووناکی شەپۆلێکی کارۆموگناتیسییە و چەمکی تیشکی کارۆموگناتیسی سەرهەڵدا. هاوکێشە مەیدانییەکانی (بڕوانە هاوکێشەکانی ماکسوێڵ) ڕێگەیان بۆ تیۆری تایبەتی ڕێژەیی ئەلبێرت ئەنیشتاین خۆش کرد. ئەو سروشتی ئەڵقەکانی زوحەل دامەزراند و کاری گرنگی لەسەر تێگەیشتنی ڕەنگەکان کرد و تیۆری جوڵەی گازە بەرهەم هێنا. بیرۆکەکانی بنەمای میکانیکی کوانتەم و دواجاریش بۆ تیۆری مۆدێرن لە پێکهاتەی ئەتۆم و مۆلیکولەکان پێکهێنا.