لە ئاودیشنێکدا بۆ ئەو ڕۆژەی کە هەسارەکە چاوەڕێی هێرشی بەردێکی وێرانکەر دەکات، ئاژانسی بۆشایی ئاسمانی ئەمریکی "ناسا" تاقیکردنەوەیەکی بێ وێنەی ئەنجامدا، لەکاتێکدا کەشتییە ئاسمانییەکەی بە خێرایییەکی زۆر لە ئەستێرەیەکی بچووک نزیکبووەوە.
لە وردەکارییەکاندا ئاژانسەکە گریمانە دەکات کە پێکدادانی بەرفراوان لەگەڵ ئەستێرەیەکی بچووک کە مەترسی بۆ سەر زەوی دروست ناکات لە دووری ٩.٦ ملیۆن کیلۆمەتر ڕووبدات، کەشتییە ئاسمانییەکە بە خێرایی ٢٢ هەزار و ٥٠٠ کم/کاتژمێر بەرەو ئەستێرە بچووکەکە "دارت"دەڕوات.
هەروەها زانایان چاوەڕێی ئەوە دەكەن كە ئەم پێكدادانە چالێک لە جەستەی ئەستێرەكەدا دروست بكات، چەمی بەرد و داروپەرد بۆ بۆشایی ئاسمان زیاد بكات، بەڵام گرنگترین كاریگەری گۆڕینی خولگەی ئەستێرەكە.
تەلەسکۆپەکانی بۆشایی ئاسمانیش لە سەرانسەری جیهان چاوەڕێی تۆمارکردنی ئەو دیمەنە دەکەن.
هەرچەندە کاریگەرییەکە دەبێ دەستبەجێ دیار بێت - لەگەڵ وەستانی لەناکاو ئەو سیگناڵە ڕادیۆییانەی کە لەلایەن "دارت"ەکەوە دەردەچن - چەند ڕۆژێک یان تەنانەت چەند هەفتەیەکی دەوێت بۆ ئەوەی دیاری بکرێت کە ڕێڕەوی ئەستێرە بچووکەکە چەندە گۆڕاوە.
تێچووی ئەم ئەرکە ٣٢٥ ملیۆن دۆلارە، هەروەها یەکەم هەوڵە بۆ گۆڕینی شوێن یان ڕێڕەوی ئەستێرەی بچووک یان هەر تەنێکی سروشتی دیکە لە بۆشایی ئاسماندا.
پێشتریش بیل نێڵسن، بەڕێوەبەری ناسا لە تویتەر نووسیبووی: "نەخێر، ئەوە پڵۆتی فیلم نییە".
لە ڤیدیۆیەکی پێش تۆمارکراودا دەڵێت: "هەموومان لە فیلمەکانی وەک ئەرمەجیدون وەک سینەمایی بینیومانە، بەڵام گرەوەکانی ژیانی ڕاستەقینە زۆرن".
ئامانجی پێکدادانەکە ئەستێرەیەکی گەورەیە کە دەوری ١٦٠ مەتر دەبێت و ناوی دیمۆرفۆسە.
ئەستێرەی دیمۆرفۆس لە ڕاستیدا دوانەیەکی بچووکتری ئەستێرەیەکی ترە بە ناوی Didymos 65803 کە ئەستێرەیەکی خێرا دەسوڕێتەوە.
ئەم دوو ئەستێرە ئەستێرەیە ماوەی چەندین ساڵە بەدەوری خۆردا دەسوڕێنەوە، بەبێ ئەوەی مەترسی بۆ سەر زەوی دروست بکەن، ئەمەش وایان لێدەکات ببنە کاندیدی ئایدیاڵ بۆ تاقیکردنەوەی رزگارکردنی جیهان.